ಮುಕ್ತಿಯ ಸೆಲೆ November 6, 2026 ಸ್ವತಂತ್ರವೆನ್ನುವ ಮನಕೆ ಪರರ ಹಂಗೇಕೆ?ಪ್ರೀತಿಯ ಬಯಸುವ ಮನಕೆ ಹೊಗಳಿಕೆಯೇಕೆ?ಪ್ರೀತಿಯ ಬೇಡುವುದ ಬಿಟ್ಟು ಹಂಚಲು ಕಲಿ,ಕರುಣೆಯ ಕಾಯುವುದ ಬಿಟ್ಟು ತೋರಲು ಕಲಿ;ಸಾಗರವ ಸೇರಿದ ನದಿಗೆ ಬೇರೆ ಹೆಸರೇಕೆ?ಆತ್ಮದಲಿ ನೆಲೆತ ಮನಕೆ ಬಂಧನವಾದರೂ ಏಕೆ? ~ಮಾಹೆ
ಧೀರ November 5, 2026 ಬೆಳಗಿಂದ ರಾತ್ರಿವರೆಗೂ ನಾನೆಂಬ ಆಟ,ಜನ್ಮಜನ್ಮಗಳಿಂದಲೂ ಅದೇ ಹಳೆಯ ಪಾಠ;ಕೈಯಲಿ ಕರ್ತವ್ಯ, ಮನದಲಿ ಸಾಕ್ಷಿಭಾವ,ನಾನೆಂಬ ಹಟ ಕರಗಿದರೆ ಆತ್ಮದ ಅನುಭಾವ;ಹೊರಗಿನ ವೈರಿಯ ಗೆದ್ದವನು ಶೂರ,ಒಳಗಿನ ನಾನೆಂಬುದ ಮೀರಿದವನೇ ಧೀರ! ~ಮಾಹೆ
ವಿಚಾರದಿಂದ ಅರಿವಿಗೆ November 4, 2026 ಸುಖವೇಕೆ ದುಃಖವೇಕೆ ಬದುಕಿನಲಿ?ನಾನೆಂಬ ಬಂಧವೇಕೆ ಈ ಜಗದಲಿ?ಕಾರಣವ ಹುಡುಕುವುದು ತತ್ವದ ವಿಚಾರ,ತನ್ನೊಳಗೆ ಕಾಣುವುದು ಆತ್ಮದ ಸಾಕ್ಷಾತ್ಕಾರ;ಜಗವನು ಅರಿತರೆ ಬದುಕಿಗೆ ದಾರಿ,ತನ್ನನು ಅರಿತರೆ ಬಂಧನಕೆ ವಿದಾಯವೆ ಸರಿ! ~ಮಾಹೆ
