ಬೇಕೆಂಬ ಹಂಬಲ ಕರಗಿದಾಗ, ಬದುಕಿನ ನಿಜಾರ್ಥ ಅರಳುವುದಂತೆ; ಹಿಡಿದ ಕೈಗಳು ದೂರವಾದರೂ, ಹೃದಯದ ಪ್ರೀತಿ ಉಳಿಯುವುದಂತೆ. ಯಾರಿಗೂ ಬೇಕೆಂದು ಬದುಕದಿರೆ, ಎಲ್ಲರಿಗೂ ದಾರಿಯಾಗ ಹಂಬಲಿಸದಿರೆ; ದಾರಿಯಲಿ ಬೆಳಕಾಗಲು ಕಲಿತರೆ, ನಿನ್ನೊಳಗಿನ ನಿನ್ನನು ಕಾಣಬಹುದೇನೋ, ಖಾಲಿತನವೂ ಪೂರ್ಣತೆಯಾಗಬಹುದೇನೋ!
ಸಂಕಲ್ಪಕೆ ಬೇಕು ವಿವೇಕದ ಬೆಳಕು, ಪ್ರಾರ್ಥನೆಗೆ ಬೇಕು ಹೃದಯದ ಮಿಡಿತ; ಜಪದ ಎಣಿಕೆಯಲ್ಲ ಸಾಧನೆಯ ಹಿರಿಮೆ, ಅಹಂಕಾರ ಕರಗುವುದೇ ಅದರ ಮಹಿಮೆ; ದೃಢ ಸಂಕಲ್ಪಕೆ ಆರ್ದ್ರ ಪ್ರಾರ್ಥನೆ ಸೇರಿದಾಗ, ಸರಳ ಪೂಜೆಯೂ ಆತ್ಮೋನ್ನತಿಯ ದಾರಿಯಾಗದೆ.
