love

ಆಲೋಚನೆ ಮನದಲಿ ಹರಿವ ನದಿ,
ವಿಚಾರವೇ ಅದಕೆ ದಿಕ್ಕು ತೋರುವ ಬುದ್ಧಿ;
ಬುದ್ಧಿಯ ಅಣೆಕಟ್ಟು ಹರಿವನು ತಿರುಗಿಸಿತು,
ಸಂಸ್ಕಾರದ ಕಾಣದ ಸೆಳೆತ ಅದನೂ ನಡೆಸಿತು;
ಹರಿವ ನದಿಯ ಬದಲಿಸುವ ಮುನ್ನ,
ಅದರ ಮೂಲವ ಅರಿವುದೇ ಸಾಧನೆಯೆ?

~ಮಾಹೆ

ಇಷ್ಟದಲಿ ಸಿಗುವ ನೆಮ್ಮದಿ ಕ್ಷಣಿಕ,
ಕಷ್ಟದಲಿ ಉಳಿಯುವ ಶಾಂತಿಯೇ ನಿಜ;
ಹೊರಗಿನ ಸುಖಕೆ ಮನವನು ಕಟ್ಟದಿರು,
ಕರ್ತವ್ಯ ಮಾಡುತ ಫಲದಲಿ ಸಿಲುಕದಿರು;
ಮನದ ಅಲೆಗಳ ಮೀರಿದ ಮೌನದಲಿ,
ಪರಮಶಾಂತಿ ಅರಳಲಿ ಆತ್ಮದ ನೆಲೆಯಲಿ.

~ಮಾಹೆ