ಓ ಮಕ್ಕಳೇ!

ಹೀಗೊಂದು ಕರೆ ನಿಮಗೆ ತಲುಪೀತೇ!
ದಣಿವಾಗಿದೆ ಎಂದು ಮೂಲೆ ಸೇರಲದು ಆದೀತೇ!
ಉದಯರವಿಯ ಕಿರಣವ ಮುಚ್ಚಿ ಮಲಗಲಾದೀತೆ!
ಕರೆಗಂಟೆಯ ಧಿಕ್ಕರಿಸಿ ಕುಳಿತರೆ ಕದ ತೆರೆದೀತೆ!

ಕೇಳಿದರೇನ ಮಾಡುವಿರೆಂದು ತಿಳಿಯಲಾದೀತೇ!
ಮೂಲೆ ಸೇರಿದ ಪೆಟ್ಟಿಗೆಯದುವೆ ಹೊಳೆದೀತೇ!
ಮುಚ್ಚಿದ ಹೊದಿಕೆಯದು ಕಸದ ಗಾಡಿಗೆ ಸೋತೀತೇ!
ತೆರೆದ ಕದದಿ ಹೊತ್ತ ಬುತ್ತಿಯ ಚೀಲ ಮರೆಸೀತೇ!

ಕರಗಿದ ಗಂಟಿನ ಚೀಲವದು ಕೊರೆದೀತೇ!
ಪೆಟ್ಟಿಗೆಯ ಧೂಳಿನ ಪರಿಮಳವದು ತಡೆದೀತೇ!
ದಿನದ ಹರಿವಿನ ಚಕ್ರವದು ನಿಂತೀತೇ!
ನಗೆ ನಿನ್ನ ಗುರುತೆಂಬುದ ಮರೆಯಲಾದೀತೇ!