ಜಪ ಧ್ಯಾನಗಳು ಅರಳಿದ ಹೂವಿನಂತೆ, ಸತ್ಯ ಧರ್ಮಗಳು ಕಾಣದ ಬೇರಿನಂತೆ; ಹೂವಿನ ಚೆಲುವು ಕಣ್ಣಿಗೆ ಕಾಣುವುದು, ಬೇರಿನ ಬಲವು ಬಿರುಗಾಳಿಗಷ್ಟೇ ತಿಳಿವುದು; ಬಿರುಗಾಳಿಯಲಿ ಸಾಧನೆಯ ಅಳತೆ ತಿಳಿವುದು, ಧರ್ಮದ ಬೇರು ಗಟ್ಟಿಯಿದ್ದರೆ ಬದುಕು ನಲುಗದು.
ಕೇಳಿದ ಪಾಠವೆಲ್ಲ ಜ್ಞಾನವಾಗುವುದಿಲ್ಲ, ಮನನ ಮಾಡದೆ ಸತ್ಯ ಮನದಾಳಕ್ಕಿಳಿಯುವುದಿಲ್ಲ; ಸತ್ಸಂಗ ದಾರಿ ತೋರಬಹುದು, ಸಾಧನೆ ನಮ್ಮನ್ನು ನಡೆಸಬೇಕು; ಸುಜ್ಞಾನ ಇನ್ನಷ್ಟು ತಿಳಿಯುವುದಲ್ಲ, ತಪ್ಪಾಗಿ ತಿಳಿದದ್ದು ಕರಗಿ, ಸತ್ಯ ತಿಳಿಯುವುದಷ್ಟೇ.
