Sri Rama

ಅದಾವ ಮೋಡಿಯೊ ನಿನದು ದೊರೆ

ಮಗನಾಗಬೇಕು ನಿನ್ನಂತೆಂದು ಅಪ್ಪನ ಬಯಕೆ
ಆದರ್ಶವ ನಾ ತಳೆಯಬೇಕೆಂದು ಅಮ್ಮನ ಚಿಂತೆ
ಹೆಂಗಳೆಯ ಮನಕೆ ನೀನೊಂದು ಗೊಂದಲದ ಕತೆ

ಅದಾವ ಮೋಡಿಯೊ ನಿನದು ದೊರೆ

ಅಪ್ಪನ ಮಾತಿಗೆ ಸಿಕ್ಕಿಬಿದ್ದವ ನೀನೆಂಬ ಸೆರೆ
ಅವರಿವರ ತೃಪ್ತಿಗೆ ನಂಬಿದವರ ನೋವಿಗಾದೆ ಹೊರೆ
ರಕ್ಕಸನ ಸದೆಬಡಿದು ಲೋಕ ಕಾಯ್ದದ್ದು ಸರಿಯೆ

ಅದಾವ ಮೋಡಿಯೊ ನಿನದು ದೊರೆ

ಅವತಾರಿ ನೀನೆಂದು ಹುಲು ಮಾನವನಾದೆ ಸರಿ
ಮನುಜರೆಲ್ಲರೂ ನಿನ್ನಂತಾಗಲಾರದೇನ ಪರಿ
ನಿನ್ನ ನೆನೆದು ಲೋಕವಾಳುವ ಪರಿಯದು ಸರಿ

ಅದಾವ ಮೋಡಿಯೊ ನಿನದು ದೊರೆ

ಸ್ವಂತ ಗುರಿಗೆ ಸಿಕ್ಕೆಲ್ಲವ ಬಳಕೆ ಸರಿಯೆ
ಪ್ರಾಣಿ ಪಕ್ಷಿಗಳವು ನಮ್ಮ ಸೇವೆಗೆಂಬ ಭಾವ ಸರಿಯೆ
ನೋವಿನ ಕಥೆಯಲಿ ನಲಿವು ಕಾಣುವ ಸವಿಯೆ
ನಾನೇನು ಕಲಿಯಲೊ ಮನಮೋಹಕ ಗುರುವೆ