Jataka

ನನ್ನಿಷ್ಟವೇ ನಡೆಯಲೆಂಬ ಅಹಂಕಾರದ ಬೀಜ,
ಎಲ್ಲರೂ ನನ್ನಂತೆ ನಡೆಯಲೆಂಬ ಅದರ ವೃಕ್ಷ;
ನನ್ನ ಮಾತು ಕೇಳಿರೆಂಬ ಆಗ್ರಹವೇಕೆ?
ಪರರ ಮಾತು ಕೇಳಲಾರದ ಹಟವೇಕೆ?
ಸ್ವೇಚ್ಛೆಗೆ ನೀರೆರೆದರೆ ಅಹಂಕಾರದ ಮರ,
ತಾಳ್ಮೆಗೆ ನೀರೆರೆದರೆ ನಿರಹಂಕಾರದ ಚಿಗುರು!

~ಮಾಹೆ

ಆರೋಗ್ಯವಿರುವಾಗ ದೇಹವನು ಕಾಪಾಡು,
ಇಚ್ಛೆ ಕ್ರಿಯೆಗಳ ಬಲದಿಂದ ಸಾಧನೆಯ ಮಾಡು;
ಅಶಕ್ತತೆ ಬಂದಾಗ ಪ್ರಕೃತಿಯ ಧರ್ಮವ ತಿಳಿ,
ವಿವೇಕ ವೈರಾಗ್ಯದ ಬೆಳಕಲಿ ಬದುಕನು ಕಲಿ;
ದೇಹವನು ಕಡೆಗಣಿಸಿದರೆ ಸಾಧನೆಯೆಲ್ಲಿ?
ದೇಹವೇ ನಾನೆಂದು ಹಿಡಿದರೆ ಮುಕ್ತಿಯೆಲ್ಲಿ?

~ಮಾಹೆ