ಕಷ್ಟ ಬಾರದಿರುವುದೇ ಕೃಪೆಯಲ್ಲ, ಕಷ್ಟದಲಿ ದಾರಿ ತಪ್ಪದಿರುವುದೇ ಕೃಪೆ; ಕೃಷ್ಣನಿದ್ದರೂ ವನವಾಸ ತಪ್ಪಲಿಲ್ಲ, ಆದರೂ ಧರ್ಮದ ಹೆಜ್ಜೆ ಜಾರಲಿಲ್ಲ; ಸತ್ಕರ್ಮ ಬದುಕಿನ ಹಾದಿಯ ಸುಗಮಗೊಳಿಸಲಿ, ಸುಜ್ಞಾನ ಒಳದೀಪವಾಗಿ ಮುಕ್ತಿಗೆ ನಡೆಸಲಿ; ಇದೇ ನಿತ್ಯಕರ್ಮದ ಒಳಾರ್ಥವಾಗಲಿ, ಇದೇ ನಿತ್ಯ ಪ್ರಾರ್ಥನೆಯ ಸಾರವಾಗಲಿ.
ಗ್ರಂಥಗಳು ತೋರಬಹುದು ಬೆಳಕಿನ ದಾರಿ, ನಡೆದ ಹೆಜ್ಜೆಯೇ ನಮ್ಮ ಸ್ವಂತ ಸವಾರಿ; ಪ್ರತಿದಿನದ ಬದುಕೇ ಒಂದೊಂದು ಪುಟ, ತಪ್ಪು ಒಪ್ಪುಗಳೇ ಮೌನದ ಪಾಠ; ತನ್ನನ್ನೇ ಓದಲು ಕಲಿತ ದಿನದಿಂದ, ಬದುಕೇ ಗ್ರಂಥ, ಅನುಭವವೇ ಗುರು.
