Jataka

ಹನಿಹನಿಯ ಅಭ್ಯಾಸ, ಮನದಲಿ ಸಂಸ್ಕಾರ,
ಬಿಡಬಿಡುತ ಬಂಧನವ, ಮೂಡುವ ವೈರಾಗ್ಯ;
ಕ್ಷಣದ ಮೌನವೇ ಮಾತಿಗೆ ಕಾವಲು,
ಕ್ಷಣದ ಅರಿವೇ ಹೆಜ್ಜೆಗೆ ದೀವಿಗೆ;
ಆದರ್ಶ ತೋರಿದರೆ ಗುರಿಯಷ್ಟೇ ಕಾಣುವುದು,
ಅಭ್ಯಾಸ ಹಿಡಿದರೆ ದಾರಿಯೇ ತೆರೆಯುವುದು.

~ಮಾಹೆ

ತಪದ ಬೆಂಕಿಯಲಿ ಬೇಯಬೇಕಿಲ್ಲ,
ಜಪದ ಎಣಿಕೆಯಲಿ ಕಳೆಯಬೇಕಿಲ್ಲ;
“ಕಷ್ಟವ ಕಳೆ” ಎಂದ ಆರ್ತತೆಯಲ್ಲೇ,
“ನನ್ನನ್ನೇ ಕಳೆ” ಎಂದು ಬೇಡುವುದಷ್ಟೇ;

ಮಾಯೆಯ ಬೇರನು ಕೀಳುವ ಪ್ರಾರ್ಥನೆಯಲಿ,
ನಾನು ಕರಗಿದರೆ, ಅವನೇ ಉಳಿಯುವನು.

~ಮಾಹೆ