love

ಹೂವಿನ ಜೊತೆಗೆ ಮುಳ್ಳೂ ಇರಲಿ,
ನಗುವಿನ ಜೊತೆಗೆ ಕಣ್ಣೀರೂ ಬರಲಿ;
ಸುಖದಲಿ ನಗು, ದುಃಖದಲಿ ಧೈರ್ಯ,
ಏರಿಳಿತಗಳ ನಡುವೆಯೂ ಉಳಿಯಲಿ ಸ್ಥೈರ್ಯ;
ಎಲ್ಲವೂ ಒಳಿತಾಗುವುದೆಂಬ ಭ್ರಮೆ ಬೇಡ,
ಏನೇ ಬಂದರೂ ಒಳಿತಾಗಿ ಬದುಕುವುದ ಬಿಡಬೇಡ.

~ಮಾಹೆ

ಹಣವಿರದೆ ಕೊಳ್ಳಲಾರೆವು ಲೋಕದ ವಸ್ತು,
ಶಾಂತಿಯಿರದೆ ಸವಿಯಲಾರೆವು ಬದುಕಿನ ಸೊಗಸು;
ನಡೆನುಡಿಯೇ ಜಪವಾಗಲಿ, ಬದುಕೇ ಧ್ಯಾನವಾಗಲಿ,
ಮನದಂಗಳವ ಗುಡಿಸಿ ಕೃಪೆಗೆ ಜಾಗವಾಗಲಿ;
ನಮ್ಮ ಕೈಲಾದುದ ಮಾಡಿ, ಕೈಮುಗಿದ ಕ್ಷಣದಲಿ,
ಶರಣಾದ ಮನದೊಳಗೆ ಶಾಂತಿ ತಾನೇ ನೆಲೆಸಲಿ.

~ಮಾಹೆ