Jataka

ಸಂಕಲ್ಪಕೆ ಬೇಕು ವಿವೇಕದ ಬೆಳಕು,
ಪ್ರಾರ್ಥನೆಗೆ ಬೇಕು ಹೃದಯದ ಮಿಡಿತ;
ಜಪದ ಎಣಿಕೆಯಲ್ಲ ಸಾಧನೆಯ ಹಿರಿಮೆ,
ಅಹಂಕಾರ ಕರಗುವುದೇ ಅದರ ಮಹಿಮೆ;
ದೃಢ ಸಂಕಲ್ಪಕೆ ಆರ್ದ್ರ ಪ್ರಾರ್ಥನೆ ಸೇರಿದಾಗ,
ಸರಳ ಪೂಜೆಯೂ ಆತ್ಮೋನ್ನತಿಯ ದಾರಿಯಾಗದೆ.

~ಮಾಹೆ

ನಿನ್ನೆಯ ನೆನಪು ಬದುಕಿನ ಪಾಠ,
ನಾಳೆಯ ಕನಸು ಪಯಣದ ನೋಟ;
ಇಂದಿನ ಕ್ಷಣವ ಹಿಡಿದಿಡುವೆನೆಂಬ ಭ್ರಮೆ,
ಕಾಲವ ಕಟ್ಟಿಹಾಕುವ ಮನದ ವ್ಯಾಮೋಹವೇ!
ನಿನ್ನೆಯಿಂದ ಕಲಿತು, ನಾಳೆಗೆ ದಾರಿ ಕಾಣು,
ಇಂದಿನ ಬದುಕಲಿ ಮೂರನ್ನೂ ಒಂದಾಗಿಸು.

~ಮಾಹೆ

ಬೆಳಕಿದ್ದೂ ಕತ್ತಲಲಿ ಹುಡುಕುವುದಾವ ಸಾಧನೆಯೋ?
ಸಂಪತ್ತಿದ್ದೂ ಭಿಕ್ಷಾಪಾತ್ರೆ ಹಿಡಿಯುವುದಾವ ಸಿರಿಯೋ?
ಅವನ ನೆರಳಲಿದ್ದೂ ನಡುಗುವುದಾವ ಭಯವೋ?
ಅವನೊಳಗಿದ್ದೂ ಅಲೆದಾಡುವುದಾವ ಮಾಯೆಯೋ?
ಬೇಕು ಬೇಡಗಳ ಬಲೆಯಲಿ ಸಿಲುಕಿದ ಮನವೇ,
ಇರುವುದನು ಮರೆತು ಇಲ್ಲದ್ದನು ಬೇಡುವುದೇಕೋ?

~ಮಾಹೆ