ಸಾರ್ಥಕತೆಯ ಹುಡುಕಾಟದಲಿ ದಶಕಗಳ ಕಳೆಯದಿರು, ನಾಳಿನ ಅರ್ಥಕ್ಕಾಗಿ ಇಂದಿನ ಕ್ಷಣವ ಮರೆಯದಿರು; ಲೋಕದ ಮನ್ನಣೆಯ ಮರೀಚಿಕೆಗೆ ಮನವೀಯದಿರು, ದೊರೆತ ಈ ಬದುಕನು ಭಕ್ತಿಯಿಂದ ಸವಿಯುತಿರು; ಸಾರ್ಥಕತೆ ಕೊನೆಗೆ ಸಿಗುವ ಉತ್ತರವೇನಲ್ಲ, ಕ್ಷಣ ಕ್ಷಣವ ಸಂಭ್ರಮಿಸಿ ಬದುಕುವುದೇ ಅಲ್ಲವೇ?
ಜಪ ಧ್ಯಾನಗಳು ಅರಳಿದ ಹೂವಿನಂತೆ, ಸತ್ಯ ಧರ್ಮಗಳು ಕಾಣದ ಬೇರಿನಂತೆ; ಹೂವಿನ ಚೆಲುವು ಕಣ್ಣಿಗೆ ಕಾಣುವುದು, ಬೇರಿನ ಬಲವು ಬಿರುಗಾಳಿಗಷ್ಟೇ ತಿಳಿವುದು; ಬಿರುಗಾಳಿಯಲಿ ಸಾಧನೆಯ ಅಳತೆ ತಿಳಿವುದು, ಧರ್ಮದ ಬೇರು ಗಟ್ಟಿಯಿದ್ದರೆ ಬದುಕು ನಲುಗದು.
ಕೇಳಿದ ಪಾಠವೆಲ್ಲ ಜ್ಞಾನವಾಗುವುದಿಲ್ಲ, ಮನನ ಮಾಡದೆ ಸತ್ಯ ಮನದಾಳಕ್ಕಿಳಿಯುವುದಿಲ್ಲ; ಸತ್ಸಂಗ ದಾರಿ ತೋರಬಹುದು, ಸಾಧನೆ ನಮ್ಮನ್ನು ನಡೆಸಬೇಕು; ಸುಜ್ಞಾನ ಇನ್ನಷ್ಟು ತಿಳಿಯುವುದಲ್ಲ, ತಪ್ಪಾಗಿ ತಿಳಿದದ್ದು ಕರಗಿ, ಸತ್ಯ ತಿಳಿಯುವುದಷ್ಟೇ.
